کاتی خزمەتگوزاری دیاری بکە 
تاقیکردنەوەی لێخورین
ناوەندێک بدۆزەرەوە
کۆمپانیای لگزس عێراق بەشداری لە 49هەمین پێشانگای نێودەوڵەتی بەغداد کرد کە لە یەک تا حەوتی شوباتی 2026 لەسەر خاکی پێشانگای نێودەوڵەتی بەغداد بەڕێوەچوو. بوونی لگزس ڕەنگدانەوەی فەلسەفەی یابانی خۆی بوو لە دەست ڕەنگینی و وردبینی، ئەزموونێکی گشتگیری پێشکەش کرد کە بە وردی دیزاین کراوە بۆ ئەوەی خواستەکانی کڕیاری ناوخۆیی جێبەجێ بکات، ئەمەش ڕەنگدانەوەی پابەندبوونی هێما بازرگانییەکەیە بە دروستکردنی پەیوەندییەکی ڕاستەوخۆ لەگەڵ سەردانیکەران و بەرزکردنەوەی ئاستی هۆشیاری لە خزمەتگوزارییە یەکگرتووەکانی لە بازاڕی عێراقدا.
لە بەشداریکردنەکەیدا، لگزس تیشکی خستە سەر دوو مۆدێل کە فەلسەفەی دیزاین و ئەندازیاری خۆی بەرجەستە دەکەن: LX700hهایبرد و NXh هایبرد. ئۆتۆمبێلی LX700h هایبرد کە چەمکی هێزی پاڵاوتە بەرجەستە دەکات لە ڕێگەی سیستەمێکی پێشکەوتووی هایبردەوە کە توانا و کارایی بەرز کۆدەکاتەوە، لەگەڵ دیزاینێکی ناوەوە کە ڕەنگدانەوەی ئاستی بەرزی شاهانەیی و متمانەییە ، ئەزموونێکی لێخوڕین پێشکەش دەکات کە بە هاوسەنگی و وردبینی تایبەتمەندە.
لە کاتێکدا ئۆتۆمبێلی NXh هایبرد ڕەنگدانەوەی دیدگای سەردەمیانەی لگزسە بۆ شاهانەیی پوخت لە ڕێگەی هاوسەنگییەکی وردی لەبەرچاو گیراوە لە نێوان داینامیکی و خەرجکردنی وزە، لەگەڵ تەکنەلۆژیا زیرەکەکان کە ئەزموونی لێخوڕینی ڕۆژانە بەرز دەکەنەوە، هەروەها بە دیزاینێک کە گوزارشت لە ڕۆحیەتی داهێنانی یابانی دەکات.
کۆشکی لگزس بە درێژایی پێشانگاکە هاتنی بەردەوامی سەردانیکەرانی بەخۆیەوە بینی. مۆدێلە نمایشکراوەکان لە شوێنێکدا پێشکەش کران کە دیزاین کرابوو بۆ ڕەنگدانەوەی گرنگیدانی ورد بە وردەکاری و توخمەکانی پێشکەشکردنی هاوسەنگ، ئەمەش ڕێگە بە میوانان دەدات تایبەتمەندییەکانی دیزاین و تەکنەلۆژیا و ئەزموونی هێما بازرگانییەکە وەکو مەبەستی خۆی پیشان بدرێت
لەو چوارچێوەیەدا بەڕێز تاداشی تانیمۆتۆ بەڕێوەبەری جێبەجێکاری کۆمپانیای تۆیۆتا عێراق وتی؛ "لە لگزس، ئێمە سوود لە شارەزاییە جیهانییەکان وەردەگرین و فەلسەفەی ئۆمۆتێناشی دەهێنینە بازاڕی عێراق بە پێشکەشکردنی ئەزموونێکی ناوازە لەسەر بنەمای پێشبینیکردنی پێشوەختەی پێداویستییەکانی کڕیاران و گرنگیدان بە بچووکترین وردەکارییەکان، ئەمەش ستانداردێکی نوێ بۆ شاهانەیی دادەهێنێت".
هەروەها بەڕێز سەروەر ئەلبیبانی بەڕێوەبەری جێبەجێکاری هێمای بازرگانی ساس لگزس وتی؛
"لە کۆمپانیای لگزس، ئێمە ڕەزامەندی کڕیاران لە دڵی هەموو بڕیارێکدا دادەنێین، هەروەها بە دیدێکی گەورەوە کاردەکەین بۆ فراوانکردنی ئامادەبوونمان لە بازاڕی عێراق و گەیشتن بە هەموو کڕیارێک لەڕێگەی پێشکەشکردنی ئەزموونێکی شاهانە و گشتگیر کە ڕەنگدانەوەی بەرزترین ستانداردەکانی پیشەگەری و نایابی جیهانییە".
لگزس کۆتایی بە بەشداریکردنی خۆی لە پێشانگای نێودەوڵەتی بەغداد دەهێنێت بە دووپاتکردنەوەی پابەندبوونی بەردەوامی خۆی بە بازاڕی عێراق و هەوڵە بەردەوامەکانی بۆ پێشکەشکردنی جۆری جیاوازی ئۆتۆمبێل و ئەو خزمەتگوزاریانەی کە بە وردی داڕێژراون بۆ دابینکردنی پێداویستییەکانی کڕیارە ناوخۆییەکان، لە چوارچێوەی دیدگایەکدا کە لەسەر بنەمای داهێنان و دەست ڕەنگینی و دروستکردنی پەیوەندییەکی درێژخایەن دامەزراوە، کە مانای ڕاستەقینەی شاهانەیی لە هەموو وردەکارییەکدا بەرجەستە دەکات.
